पाल्पा । नेकपा (माओवादी केन्द्र) पाल्पा रम्भा गाउँपालिका -३ मा वडा सम्पर्क कार्यालय उद्धघाटन तथा बृहत् सांस्कृतिक कार्यक्रम सम्पन्न भएकाे छ ।
पार्टीले त्यहाँका स्थानीय जनतासँग प्रत्यक्ष सम्पर्कमा रहने र भएका समस्या समाधानको लागि प्रयास गर्ने भन्दै कार्यालय राखिएको वडा अध्यक्ष विनाेद भन्डारीले जानकारी दिए ।
नेकपा (माओवादी केन्द्र) प्रदेश समिति सदस्य मथुरा ढकालकाे प्रमुख आतिथ्यतामा कार्यलय भवन उद्धघाटन गरिएकाे थियाे ।
उक्त कार्यक्रमको अतिथिमा रम्भा गाँउपालिकाका सल्लाहकार केशव भन्डारी , वाइसियल प्रदेश समिति सदस्य तथा पाल्पा जिल्ला अध्यक्ष धनु घिमिरे , रम्भा गाँपालिका अध्यक्ष हिमाल अर्याल र अखिल क्रान्तिकारी बुटवल उपमहानगरपालिका अध्यक्ष एवम् रम्भा गाउँपलिकाका उपाध्यक्ष माधव अर्यालकाे उपस्थितिमा कार्यक्रम सञ्चालन भएकाे थियाे ।
कार्यक्रममा स्वागत मन्तव्यसहित अबकाे कार्यदिशा तथा रणनीति के कस्तो रहने र आगामी मार्गदिशाकाे बारेमा सोही गाउँपालिकाका सल्लाहकार केशव भन्डारीले प्रष्ट पारेका थिए ।
खेल प्रति युवाहरुकाे प्रतिभा उजागर गर्ने उद्देश्यले सोही वडाका चार ओटा क्लबहरुलाई बल, नेट सेट र तीन थान ब्याट बल वितरण गरिएको वडा उपाध्यक्ष अनुज अर्यालले जानकारी दिए ।
साथै रम्भा-३ वडाका स्थानीय रवि विककाे दुवै मृगौला खराब भएकाेले उपचारको लागि प्रन्ध हजार रकम सहयोग गरिएको सोही गाउँपालिकाकाे सल्लाहकार सुवाश बश्यालले जानकारी दिए ।
उक्त कार्यक्रमको सञ्चालन सोही वडा-३ का सचिव राजेन्द्र भट्टराईले गरेका थिए । 
