मेष : सोचका काममा बाधा, व्यवधान र अड्चन खडा हुनेछन्। व्यापार व्यवसायमा अनावश्यक फसेको अवस्था रहने छ। शैक्षिक क्षेत्रमा सफलता मिल्नेछ। जसका लागि सरस्वतीको स्मरण गर्नुपर्छ।
वृष : सोचेर मात्र काम गर्नुहोला। पढनपाठनमा साथीभाइले अवरोध गर्ने सम्भावना छ। वैदेशिक मामलामा भने निकै राम्रो छ। अवसर आएको अवस्थामा काम गर्नुहोला।
मिथुन : आजको दिन संघर्ष गरेर मात्र अघि बढ्ने दिन हो। बिहान सूर्यको दर्शन गरेर मात्र आफ्ना योजना तय गर्नुहोला। सवारीमा यात्रा गर्दा धेरै संयम रहनुहोला।
कर्कट : निकै राम्रो दिन छ। समयको सदुपयोग गरे तय गरेका काम बन्दै जाने सम्भावना छन्। तर, दिनमा निन्द्रा लाग्नु दुर्भाग्य बन्नेछ।
सिंह : आफ्ना सहपाठी वा साथीसँग झगडा गराउन खोज्ने सफल हुनेछन्। धेरैबेर सोचेर मात्र बोल्नुहोला। गलत समय भएकाले सफलता नमिल्न सक्छ ।
कन्या : सामान्य राम्रो छ। विद्याको क्षेत्रमा अवसर प्राप्त गर्ने योग छ। व्यापारमा नाफा हुन्छ। वैदेशिक क्षेत्रमा सफलता प्राप्त हुनेछ भने वैदेशिक रोजगार राम्रो छ।
तुला : दिन राम्रो छ। मान सम्मानका लागि सबैले सकारात्मक बनेर देखाउने छन्। आफ्ना बन्धुबाट बच्नुहोला। ग्रहगणले फल राम्रो दिनेछन्।
बृश्चिक : आजको दिन महत्वपूर्ण छ। आफ्ना परिवार के गर्दैछन् भन्ने कुरा बुझेर मात्र अरुसँग वार्ता गर्नुहोला। नत्र होच्याउन सक्छन्। आर्थिक, सामाजिक क्षेत्रमा राम्रो दिन मान्न सकिन्छ।
धनु : सम्पत्ति कमाउने योग छ। दोस्रो स्थानमा चन्द्रदेव भ्रमण गर्दैगर्दा सम्पत्तिमा लगानी गर्न नडराउनुहोला। नउठेको लगानी उठ्न सक्छ।
मकर : आजको दिन राम्रो छ। वैदेशिक रोजगारमा हात हालेको भए नोक्सान हुनेछैन। आफन्तले सहयोग गर्नेछन्। शनिदेवको ध्यान गर्नुपर्ने देखिन्छ।
कुम्भ : आजको दिन उपलब्धिपूर्ण रहेको छ। सोचेको काम सबै पूर्ण नहुनसक्छन्। महत्वपूर्ण दिन रहेकाले भोलेबाबालाई सम्झिएर अगाडि बढेमा थालेका काम अगाडि बढ्नेछन्।
मिन : शुभफलदायक दिन मानिन्छ। श्रमको फल ग्रहण गर्न सहज हुनेछ। परोपकार गर्ने इच्छा बढ्ने छ। स्वरोजगारमा फाइदा बढ्ने छ।
