काठमाडौँ । नेपाल राष्ट्र बैंकका अनुसार चालु आर्थिक वर्षको ६ महिनामा ४ खर्ब ६८ अर्ब रुपैयाँ बराबरको विदेशी मुद्रा (रेमिट्यान्स) संकलन भएको छ ।
चालु आर्थिक वर्षको साउनदेखि पुस मसान्तसम्म यस्तो विप्रेषण आप्रवाह ४६८ अर्ब ४५ करोड रुपैयाँ भित्रिएको राष्ट्र बैंकले जनाएको हो ।
अघिल्लो वर्षको सोही अवधिको तुलनामा कमी आएपनि अहिले भने पहिलेभन्दा केही मात्रामा सुधार हुन थालेको बैंकले जानकारी दिएको छ । रेमिट्यान्स अघिल्लो वर्षको तुलनामा यसवर्ष ५.५ प्रतिशतले कमी आउँदा अर्थतन्त्रमा ठुलो प्रभाव पारेको थियो ।
अघिल्लो वर्षको सोही अवधिमा यस्तो विप्रेषण आप्रवाह ११.१ प्रतिशतले बढेको थियो । राष्ट्र बैंकका अनुसार समीक्षा अवधिमा अमेरिकी डलरमा विप्रेषण आप्रवाह ६.२ प्रतिशतले कमी आई ३ अर्ब ९३ करोड पुगेको छ ।
