काठमाडौँ, चैत्र २६ । सरकारले भोलि आइतबार (चैत २७ गते) मुलुकभर सार्वजनिक बिदा दिने निर्णय गरेको छ ।
गृह मन्त्रालयले आज एक सूचना जारी गरी हिन्दू धर्मावलम्बीहरुको रामनवमी पर्व परेकाले आइतबार बिदा दिने निर्णय भएको जनाएको छ ।
यही २४ गते बसेको मन्त्रिपरिषद् बैठकको निर्णयानुसार देशभरका सार्वजनिक निकायमा बिदा दिइएको गृह मन्त्रालयले जनाएको छ । योसँगै आइतबार सबै सरकारी कार्यालय, सरकारी निकायहरु बन्द रहनेछन् ।
