काठमाडौँ, चैत्र २८ । राष्ट्रियसभा सदस्यमा मनोनीत नारायणप्रसाद दाहालले पद तथा गोपनीयताको शपथ लिएका छन् ।

राष्ट्रियसभाका अध्यक्ष गणेशप्रसाद तिमिल्सिनाले मंगलबार सिंहदरबारमा दाहाललाई शपथ गराएका हुन् । अध्यक्ष तिमिल्सिनाले सदस्य दाहाललाई संघीय संसद्को लोगो समेत प्रदान गरेका थिए ।

राष्ट्रपति विद्यादेवी भण्डारीले यही चैत २५ गते दाहाललाई मन्त्रिपरिषद्को सिफारिसमा राष्ट्रियसभा सदस्यमा मनोनीत गरेकी थिइन् । शपथपछि दाहालले देश र जनताप्रति गरेका प्रतिबद्धतालाई कानुनी र व्यावहारिक रूपमा कार्यान्वयन गर्न जोड दिने बताए । उनले समृद्ध नेपाल नारालाई साकार पार्न पनि प्रयत्न गर्ने र देशको राष्ट्रियतालाई आँच आउन नदिन डटेर लड्ने धारणा उल्लेख गरे ।