बुटवल, वैशाख ११ । अखिल (क्रान्तिकारी) सिद्दार्थ गौतम बुद्ध क्याम्पस मुल इकाई समितिले नयाँ वर्ष २०७९ को शुभकामना आदानप्रदान तथा भित्तेपात्रो विमोचन कार्यक्रम गरेको छ ।
भित्तेपात्रो क्याम्पसको सभाहलमा आज एक कार्यक्रम गरी मुल इकाई समितिका अध्यक्ष हिमाल खनाल, अखिल (क्रान्तिकारी) केन्द्रिय निर्वाचन आयोग संयोजक अनुप पोख्रेल र अखिल (क्रान्तिकारी) केन्द्रिय सदस्य माधव पाण्डेबाट संयुक्त रुपमा विमोचन गरिएको हो ।
विमोचन कार्यक्रमको सम्वोधन गर्दै प्रमुख अतिथि पोख्रेलले विद्यार्थीको हकहित र अधिकार लडाइमा अग्रस्थानमा रहेको साथै नयाँ वर्षको शुभकामना एवम् मुल इकाईलाई क्यालेन्डर विमोचन गरेकोमा सम्पुर्ण मुल इकाई समिति तथा विद्यार्थीहरुलाई बधाई एवम् शुभकामना व्यक्त गरे ।
यस्तै कार्यक्रमका अध्यक्षता गरेको मुल इकाई अध्यक्ष हिमाल खनालले विद्यार्थी हकहितमा अखिल (क्रान्तिकारी) सदैव तत्पर रहेको भन्दै आगन्तुक विद्यार्थी स्वागत साथै नयाँ वर्षको शुभकामना प्रदान गरे ।
मुल इकाई अध्यक्ष हिमाल खनालको अध्यक्षतामा सम्पन्न कार्यक्रममा अखिल (क्रान्तिकारी) केन्द्रिय निर्वाचन आयोग संयोजक अनुप पोख्रेल, अखिल (क्रान्तिकारी) केन्द्रिय सदस्य माधव पाण्डे लगायत २०० जना विद्यार्थीको सहभागिता रहेको थियो ।
मुल इकाई समितिका वरिष्ठ उपाध्यक्ष जीवन शर्माको स्वागत मन्तव्यबाट सुरु भएको कार्यक्रमको सञ्चालन सचिव शिशिर के.सीले गरेका थिए ।
