काठमाडौँ, वैशाख १२ । स्थानीय तह निर्वाचनमा जिल्लाका दुई पालिकामा नेपाली कांग्रेस र राष्ट्रिय जनमोर्चाबीच चुनावी तालमेल गर्ने सहमति भएको छ । जिल्लाको मल्लरानी र ऐरावती गाउँपालिकामा गठबन्धन गर्ने सहमती भएको हो।
ऐरावतीमा नेपाली कांग्रेसले पालिका अध्यक्ष सहित ३ वडा र जनमोर्चाले पालिका उपाध्यक्ष सहित २ वडा पाउने गरि सहमति भएको कांग्रेस नेता नविलविक्रम शाहले जानकारी दिए । यहाँ पालिका अध्यक्षमा नविलविक्रम शाह र उपाध्यक्षमा कृष्ण श्रेष्ठले उम्मेदवारी दिने तयारीमा छन।
शाह २०७४ सालको स्थानिय निर्वाचनमा पालिका अध्यक्ष जितेका थिए।
त्यसैगरि मल्लरानीमा पनि गाउँपालिका अध्यक्ष सहित ३ वडा राजमोले र पालिका उपाध्यक्ष सहित २ वडा कांग्रेसले पाउने गरि सहमति भएको बताइएको छ ।पालिका अध्यक्षमा राजमोका जिल्ला अध्यक्ष कृष्ण खड्का र उपाध्यक्षमा कांग्रेसका रमेश श्रेष्ठले उम्मेद्वारी दिने चर्चा छ। मल्लरानीमा एमालेले पालिका अध्यक्षमा शिवराज श्रेष्ठलाई उठाउने भएको छ।
