काठमाडौँ, वैशाख २२ । मानवीय संकटको सामना गरिरहेको अफगानिस्तानमा परेको भारी वर्षा र बाढीका कारण २२ जनाको मृत्यु भएको छ ।
बाढीले सयौँ घर बगाउनुका साथै अन्नबालीमा क्षति पुगेको त्यहाँ विपद् व्यवस्थापन अधिकारीले बिहीबार जानकारी दिएको बेलायती समाचार संस्था रोयटर्सले जनाएको छ । एकतिहाइ भन्दा बढी प्रान्तलाई प्रभावित पारेको प्रकोपसँग जुध्न संघर्ष गरिरहेको तालिबान सरकारले सहयोगका लागि अन्तर्राष्ट्रिय राहत संस्थाहरूसँग सम्पर्क गर्ने त्यहाँका सरकारी अधिकारीहरूले बताएका छन् ।
आँधीका कारण १२ प्रान्तमा २२ जनाको मृत्यु र ४० जना घाइते भएका छन् । हालैका वर्षहरूमा खडेरीको सामना गरिरहेको अफगानिस्तानको पश्चिमी प्रान्त बाघिस र फर्याब तथाबागलानको उत्तरी प्रान्तमा वर्षा र बाढीलेप्रतिकूल प्रभाव पारेको रोयटर्सले जनाएको छ ।
