काठमाडौँ, असार १९ । मनसुनी वायुको प्रभावसँगै देशभर आंशिकदेखि सामान्य बदली रही प्रदेश १, मधेस प्रदेश र सुदूरपश्चिम प्रदेशका केही स्थानहरूमा हल्का वर्षा भइरहेको छ ।
मौसम पूर्वानुमान महाशाखाका अनुसार आइतबार दिउँसो धेरैजसो स्थानमा हल्कादेखि मध्य वर्षा हुनेछ । महाशाखाको सूचनामा दिउँसो देशभर सामान्यतया बदली रहने र धेरै स्थानहरूमा हल्कादेखि मध्यम वर्षाको सम्भावना रहेको उल्लेख गरिएको छ ।
त्यसै गरी राति भने वाग्मती प्रदेश र गण्डकी प्रदेशका एक दुई स्थानमा भारी वर्षाको अनुमान गरिएको छ ।
