५ चैत्र २०७६,काठमाडौं – कोरोना भाइरसको महामारीले अधिकांश खेलकुद प्रतियोगिता रद्द भइरहँदा ७ महिनापछि तय भएको विश्वकप टी – २० क्रिकेट भने निर्धारित मितिमै हुने भएको छ ।यसै वर्षको अक्टोबर १८ देखि सुरु हुने भनिएको पुरुष टी-ट्वान्टी विश्वकप नसर्ने क्रिकेट अष्ट्रेलियाका प्रमुख कार्यकारी केभिन रोबर्ट्सले जनाएका छन् ।टी-ट्वान्टी विश्वकपको प्रि-क्वालिफाइङ अक्टोबर १८ देखी २३ सम्म जिलोङ र होबार्टमा संचालन हुनेछ।
