बुटवल, असार १३ । रुपन्देहीमा वैवाहिक जिवनमा वाधिएको अवसरमा आश्रममा अत्यावश्यक खाद्यान्न सामग्री प्रदान गरेको छ।
जिल्लाका शुद्धोधन गाउँपालिका ६ स्थित सनराइज बैंक लिमिटेडमा कार्यरत गोपाल गोदार र बुटवल निवासी सुनिता थापा बैबाहिक जीवनमा बाधिएको शुभ अवसरमा मानवसेवा आश्रम शाखा कार्यालय रूपन्देही बुटवलको सेवालाई सहजता प्रदान गर्नका लागि अत्यावश्यक खाद्यान्न सामाग्रीहरू प्रदान गरेका हुन् ।
सो अबसरमा नव बिवाहित जोडी तथा सम्पुर्ण परिवारको उपस्थितिमा आश्रममा २५ के.जी चामल, १० के.जी दाल, २० लिटर तेल, ३ पेटी चाउचाउ, ५० के.जी आलु, २० के.जी प्याज, ५ के.जी चना, १ बोरा भुजा, ४ प्याकेट सब्जी मसला, १ बोरा नुन, बेसार, चिनी लगायतका खाद्यान्न सामाग्रीहरू प्रदान गरिएको हो । साथै सोही कार्यक्रममा दुलहीका बुवा झक बहादुर थापाले आफ्नो छोरीज्वाइँको बैबाहिक जीवन सुखमय होस् भन्ने कामना गर्दै नगद रु ५,५५५ समेत मानव सेवा आश्रमलाई प्रदान गरेका हुन् ।
यसरी आश्रममा सहयोग गर्न पाउदा एकदमै खुसी लागेको नवजोडी गोपाल र सुनिताले बताउछन् । उता आश्रमकि रुपन्देही संयोजक सरु अधिकारीले नवजोडीलाई सुखद वैवाहिक जिवनको सुभकामना दिदै मानवीय कार्यको लागि धन्यवाद दिएका थिइन् ।
