काठमाण्डौं,असार १६  – भारत र चीनबीच अहिले चलिरहेको विवादका कारण भारत सरकारको यो फैसला निकै महत्वका साथ लिइएको छ । यी एप्सहरु सबै चीनमा बनेका एप्स हुन् । केही एप्स अहिले पनि चिनियाँ कम्पनीको स्वामित्वमा छन् ।विश्वमा अहिले निकै चर्चा कमाएको टिकटक, युसी ब्राउजर तथा शेयरइट ऐप पनि अब भारतमा नचल्ने भएका छन् । भारतमा यी एपहरु निकै चर्चित थिए ।

केही दिनअघि मात्र चीन र भारत सीमा लद्दाखमा भएको हिंसक झडपमा २० भारतीय सैनिकको मृत्यु भएको थियो ।भारतको प्रविधि मन्त्रालयका अनुसार यी ऐप्सले भारतको सम्प्रभुता एवं एकता, सुरक्षा तथा व्यवस्थाका लागि नोक्सानदायी छन् । त्यसैले यी ऐप्सहरु बन्द गरिएको भारत सरकारले बताएको छ ।