प्यूठान, असार २५ ।
स्वर्गद्वारी नगरपालिका प्यूठानले आफ्नो सातौं नगरसभाको अवसरमा नगरपालिकाभित्र रहेर उत्कृष्ट कार्य गर्ने कर्मचारी तथा पत्रकारलाई सम्मान गरेको छ ।असार १० गते नगरपालिकाले प्रस्तुत गरेको निति कार्यक्रम तथा बजेटमाथी कार्यपालिकाले वृहत छलफल गरि पारित गर्ने गरि २५ गते बसेको सभाले कार्य कुशलता , इमान्दारिता नैतिकताको साथ नगरको विकास , समृद्धि तथा सञ्चारका क्षेत्रमा महत्त्वपूर्ण योगदान दिने कर्मचारी तथा पत्रकारहरूलाई सम्मान गरिएको नगरपालिकाले जानकारी दिएको छ ।सम्मानित हुनेमा ना.प्रा.स द्रोण प्रसाद पोख्रेल, प्रशासन सहायक सिता अधिकारी, सि अहेव केशव भण्डारी, अनमी तेजी के सी, कार्यालय सहयोगी विष्णु खनाल, हाम्रो एकता राष्ट्रिय दैनिकका संवाददाता तथा स्वर्गद्वारी खबर डट कमका सञ्चालक पत्रकार झइन्द्र भण्डारी र स्वर्गद्वारी टुडेका सञ्चालक पत्रकार सि पी पौडेल रहेका छन । कार्य कुशलताको आधारमा कर्मचारीका हरेक क्षेत्रका एक एक जनालाइ सम्मानित गरिएको नगरपालिकाले जनाएको छ ।साथै कार्यक्रममा असार १० गते प्रस्तुत गरेको निति तथा कार्यक्रमको आवश्यक संशोधन सहित सर्वसहमतले पारित गरेको हो ।