काठमाडौं, असोज १८। अभिनेत्री सुष्मिता सेनले लामो समयपछि वेब सिरीज ‘आर्या’ बाट यसैवर्ष अभिनयमा कमब्याक गरेकी छन् । सिरज आर्याले राम्रो प्रतिक्रिया पाइरहेको छ ।
यसैबीच सुष्मिताकी जेठी छोरी रेने सेन पनि अभिनयमा डेब्युको तयारीमा छन् । २१ वर्षीया रेने ‘सुत्ताबाजी’ मार्फत चलचित्रमा डेब्यु गर्ने भएकी छन् । चलचित्रको छायांकन शनिबारदेखि सुरु भएको छ ।
‘सुत्ताबाजी’ रुढीवादी सोचबारे एकअर्काबीच बिलकुल फरक विचार राख्ने आमा र छोरीको कथा हो । चलचित्रले महिला सशक्तिकरणको विषयवस्तुलाई उठाउने निर्माताले बताएका छन् ।
यो कबीर खुरानाको डेब्यु फिचर फिल्म हुनेछ । भारतीय सञ्चारमाध्यमका अनुसार यो चलचित्र हलमा नभइ सीधै डिजिटल प्लेटफर्ममा रिलिज हुने सम्भावना छ ।एजेन्सी
