काठमाडौं,असोज २४ । कोरोना संक्रमित सत्तारुढ दल नेकपा संसदीय दलकी सचेतक शान्ता चौधरीलाई आइसियुमा सारिएको छ। लक्षणसहितको कोरोना भाइरस संक्रमण पुष्टि भएपछि नेतृ चौधरी उपचारका लागि वीर अस्पताल भर्ना भएकी थिइन् ।
चौधरीलाई शुक्रबार राति आइसीयुमा सारिएको हो। श्वासप्रश्वासमा कठिनाइ भएको उनले तीन दिनअघि सामाजिक सञ्जालमार्फत् जानकारी गराएकी थिइन्।
‘स्वास प्रश्वासमा अलि कठिनाई भइरहेको र फोनमा बोल्दा सास फेर्न थप कष्ट हुने र अक्सिजनको मात्रासमेत कम भएको महसूस हुन्छ,’ उनले अस्पतालबाटै तीन दिन अघि जानकारी गराएकी थिइन्। उनलाई पाँच दिनअघि लक्षण सहितको संक्रमण भएको पुष्टि भएको थियो।
नेतृ चौधरीमा यही असोज १९ गते कोरोना भाइरस संक्रमणको पुष्टि भएको थियो । २०६७ मा स्तन क्यान्सर देखिएकी चौधरीले लामो समयसम्म उपचार गराएकी थिइन्।
