काठमाडौं ,पौष १४ । आज नेपाली बजारमा सुनको मुल्य घटेको छ । सोमबार एकै दिन प्रतितोला ७०० रुपैयाँले बढेको सुनको भाउ मंगलबार ८०० रुपैंयाले घटेको छ। नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ९४ हजार १०० रुपैयाँ निर्धारण गरिएको छ ।
सोमबार छापावाला सुन ९४ हजार ९०० रुपैयाँमा कारोबार भएको भएको थियो । यस्तै, मंगलबार तेजाबी सुन तोलामा ९३ हजार ६०० रुपैयाँमा कारोबार भएको छ ।
मंगलबार चाँदीको भाउ पनि घटेको छ। सोमबार प्रतितोला एक हजार ३१५ रुपैयाँमा कारोबार भएको चाँदीको भाउ मंगलबार एक हजार ३०० रुपैयाँमा कारोबार भएको महासंघले जनाएको छ।
