काठमाडौं , पौष २७ । राष्ट्रिय फुटबल टोलीका पूर्वगोलकिपर लोकबहादुर शाहीको गएराति निधन भएको छ।
अखिल नेपाल फुटबल संघ (एन्फा) र नेपाल बक्सिङ संघका पूर्वमहासचिव तथा नेपाल आइस हक्की संघका संस्थापक अध्यक्षको जिम्मेवारी समेत सम्हालिसकेका शाहीको आइतबार राति निधन भएको हो ।
उनको गएराति दैलेखमा निधन भएको हो। शाहीको ‘मल्टिपल अर्गन फेलर’का कारण निधन भएको अखिल नेपाल फुटबल संघ (एन्फा)का अध्यक्ष कर्माछिरिङ शेर्पाले बताए।
उनको आज दैलेखमै अन्तिम संस्कार गरिने भएको छ। शाही एकसाताअघि आफ्नो जन्मथलो दैलेख गएका थिए।
शाही सन् १९७९ देखि १९८९ सम्म नेपाली राष्ट्रिय टोलीको गोलरक्षक थिए । सन् १९८४ मा दक्षिण एसियाली खेलकुदमा स्वर्ण जित्दा शाही राष्ट्रिय टोलीको प्रमुख खेलाडी थिए ।
उनी एन्फाका महासचिव समेत रहेका थिए। सन् १९९५ देखि २००२ सम्म एन्फाका महासचिव थिए।
