काठमाडौं, फागुन १८ । चितवनमा माइक्रोबसले एउटा कार र दुईवटा मोटरसाइकललाई ठक्कर दिँदा ९ जना घाइते भएका छन् । चितवनको भरतपुर महानगरपालिका–१, भतेरी जंगलमा माइक्रोबसले एउटा कार र दुईवटा मोटरसाइकललाई ठक्कर दिएको छ ।
मुग्लिनबाट भरतपुरतर्फ आउँदै गरेको बा २ख ७९६७ नम्बरको माइक्रोले मुग्लिनतर्फ जाँदै गरेको बा २च २८२४ नम्बरको कार तथा ना१७प ४०१२ र ना २७प ७०८९ नम्बरको मोटरसाइकललाई ठक्कर दिँदा नौजना घाइते भएका जिल्ला प्रहरी कार्यालय चितवनका डिएसपी सुर्य बाहादुर थापाले लोकपथलाई बताए ।
घाइतेहरुलाई उपचारको लागि भरतपुर पठाइएको डिएसपी थापाले जानकारी दिए ।दुर्घटनामा परेका चारवटै सवारी–साधन तथा माइक्रोबसका चालकलाई नियन्त्रणमा लिइएको छ ।
