प्यूठान , चैत्र २६ । नेपाल पत्रकार महासंघ जिल्ला शाखा प्यूठानका नवनिर्वाचित कार्यसमितिले पद तथा गोपनियताको सपथ लिएका छन् ।
आज महासंघको सुचना केन्द्र विजुवारमा भएको सपथ ग्रहण, प्रमाणपत्र वितरण तथा बधाई ज्ञापन कार्यक्रममा जिल्ला निर्वाचन समितका संयोजक खुम वहादुर थापाले पद तथा गोपनीयताको सपथ खुवाएका हुन् । यहि चैत्र २५ गते भएको निर्वाचनबाट नेपाल पत्रकार महासंघ जिल्ला शाखा प्यूठानको अध्यक्षमा सञ्जय रिजाल निर्वाचित भएका थिए । यस्तै उपाध्यक्षमा यादव पौडेल, महिला उपाध्यक्षमा राधिका भुसाल, सचिवमा प्रकाश वैद्य, महिला सदस्यमा नर्मदा भट्ट, दलित सदस्यमा लोकेन्द्र सुनार, आदिवासी, जनजाती सदस्यमा लिलाधर पुन र खुल्ला सदस्यहरुमा शशिधर भण्डारी, बावुराम उपाध्याय, नेत्रबहादुर कुँवर, पशुपति न्यौपाने, शम्सेर विक्रम जि सी र विमल प्रसाद पोख्रेल निर्वाचित भएका थिए । साथै कोषाध्यक्षमा प्रज्जल पहाडी, सहसचिवमा रमेश गिरी, समावेशि सहसचिवमा राम वहादुर विक र अल्पसख्यक सदस्यमा प्यार अलि खान निर्विरोध निर्वाचित भएका थिए ।
यस्तै जिल्लाबाट राष्टिय परिषद सदस्यमा तुफान अधिकारी, महाविर राना र श्रीराम भण्डारी निर्वाचित भएका छन् भने प्रदेश परिषद सदस्यमा अग्निधर चन्द्र बोहोरा, नेत्र प्रसाद खनाल, पदम वहादुर के.सी, मधुसुदन भण्डारी, चक्र वहादुर के.सी, र जोगिन्द्र मल्ल निर्वाचित भएका थिए । राष्टिय परिषद सदस्यमा दिपा घर्ति र प्रदेश परिषद सदस्यमा जुमान सिंह के.सी र जिवनमाया के.एम निर्विरोध निर्वाचित भएका थिए ।
