बुटवल–१२ नयाँगाँउमा रहेको न्यू स्ट्याण्डर्ड इङ्गलिस बोर्डिङ्ग सेकेण्डरी स्कुलले आफ्नो २७ औं वार्षिकोत्सव तथा अभिभावक दिवस बिहीबार मनाएको छ ।कार्यक्रमको उद्घाटन गर्दै बुटवल उपमहानगरपालिका–१२ का वडाध्यक्ष दुर्गाप्रसाद सुवेदीले संस्थागत विद्यालयहरु शैक्षिक कृयाकलापमा अब्बल देखिनुका साथै ठुलो शैक्षिक जनशक्ति उत्पादनमा महत्वपुर्ण भुमिका खेलेको चर्चा गर्नुभयो ।उहाँले शैक्षिक जनशक्ति उत्पादनमा महत्वपुर्ण भुमिका खेल्ने संस्थागत विद्यालयहरुको विकासमा सरकारको ध्यान सकारात्मक हुनु पर्नेमा जोड दिनुभयो ।

विद्यालय ब्यवस्थापन समितिका अध्यक्ष दुर्गा पाठक पाण्डेको अध्यक्षतामा भएको कार्यक्रमका प्याब्सन रुपन्देहीका अध्यक्ष लेखनाथ पौडेल, हिसान रुपन्देहीका पुर्व अध्यक्ष अनन्तराम शर्मा, प्याब्सन प्रदेश सदस्य कृष्णप्रसाद शर्मा, प्रेसो उपाध्यक्ष शंकर भट्टराई, नयाँगाउँ माविका प्राचार्य पुरुषोत्तम भट्टराई, विद्यालय ब्यवस्थापन समितिका सदस्य धनलाल बस्याल, विद्यालयका प्रिन्सिपल शारदा ज्ञवाली लगायतले आआफ्ना भनाई राख्नु भएको थियो । Source:nagarikaawaj