काठमाडौँ । न्यादी हाइड्रोपावर लिमिटेडले सर्वसाधारणको लागि निष्कासन गरेको शेयर आज बाँडफाँट हुँदैछ ।

कम्पनीको शेयर निष्कासन तथा बिक्री प्रबन्धक ग्लोवल आइएमई क्यापिटले मंगलबार प्रिअलटमेन्टको काम सकेपछि आज बिहान ९ बजे शेयर बाँडफाँट गर्ने भएको हो ।

कम्पनीले असोज १५ गते देखि १९ गते सम्म सर्वसाधारणको लागि २२ करोड ५० लाख रुपैयाँ बराबरको २२ लाख ५० हजार कित्ता शेयर निष्कासनमा ल्याएको थियो ।

सर्वसाधारणका लागि निष्काशनमा ल्याएको कुल शेयरमध्ये २ प्रतिशत अर्थात ४५ हजार कित्ता शेयर कर्मचारीहरुका लागि र ५ प्रतिशत अर्थात १ लाख १२ हजार ५०० कित्ता शेयर सामूहिक लगानी कोषलाई छुट्याएर बाँकी रहने २० लाख ९२ हजार ५०० कित्ता शेयर मात्रै सर्वसाधारणलाई वितरण हुनेछ ।

उक्त कम्पनीले जारी गरेको आइपीओको नतिजा https://iporesult.cdsc.com.np/ र https://www.globalimecapital.com/ipo-fpo-share-allotment-check मा हेर्न सकिन्छ ।