काठमाडौँ । नेकपा एमालेको १० औँ महाधिवेशनअन्तर्गत आज नेतृत्व चयनका लागि बन्दसत्र हुँदैछ ।
हिजो शुक्रबार नारायणी नदी किनारमा औपचारिक उद्घाटन भएको १० औँ राष्ट्रिय महाधिवेशनको बन्दसत्र आज सौराहास्थित सेभेन स्टार होटलमा हुन लागेको हो ।
स्रोतका अनुसार बिहान १० बजे बन्दसत्र उद्घाटन हुनेछ । । उद्घाटन सत्रमा अध्यक्ष केपी शर्मा ओली तथा विदेशी अतिथिको सम्बोधन रहनेछ
एमाले महाधिवेशनमा विदेशी प्रतिनिधिमा भारत, बंगलादेश, श्रीलंकालगायत देशबाट नेताहरु आएका छन् । बन्दसत्रमा आउने प्रतिनिधिलाई एमालेले आवास तथा भोजनको व्यवस्था गरेको छ ।
बन्दसत्रबाट नयाँ नेतृत्व चयन हुनेछ । महाधिवेशन आइतबारसम्म चल्नेछ ।
