प्यूठान, पुस २४ । प्यूठान नौवहिनी गाउँपालिकाका तुल वहादुर थापा सोमवारबाट सुरु हुने प्रधानमन्त्री कप राष्ट्रिय टि-२० क्रिकेट प्रतियोगितामा पहिलो छनोट भएका छन् ।
उनि यहि पुस १८ गतेदेखि २३ सम्म भैरहवामा सम्पन्न छनोट प्रतियोगितामा लुम्विनी प्रदेशबाट छनोट भएका हुन् । उनले उक्त छनोट प्रतियोगितामा ३ खेलमा १० विकेट लिएका थिए । । प्रधानमन्त्री कप यहि पुष २६ देखि ५ गते सम्म काठमाडौं र मुलपानीमा हुनेछ ।
प्यूठानको नौबहिनी गाउँपालिका डाम्री घर भएका थापा घरेलु क्रिकेट भने दाङबाट खेल्ने गर्दछन् । प्यूठानमा जिल्ला क्रिकेट संघ नहुँदा उनले दाङबाट घरेलु क्रिकेट खेल्दै आएका हुन् । उनले गत संस्करणको इपिएल भैरहवा ग्ल्याडियटर्सबाट खेलेका थिए ।
लुम्बिनी प्रदेश टिम : कृष्ण कार्की (कप्तान), सौरभ खनाल (उपकप्तान), सन्दिप रजाली, देव खनाल, बिक्रम भुसाल, अनिल खरेल, दुर्गेश गुप्ता, सुशान्त सिंह थापा, तुल बहादुर थापा, बसिर एहमद, सिद्धान्त राज शाही, बिशाल बिक्रम केसी, मोहन खत्री र दिपेन्द्र रावत, बैकल्पिक खेलाडी : दिलसाद अलि, निर्मल गुरुङ, राजबिर सिंह र नरेश कुमार नेपाली
