पौष २१, काठमाडौ
नेपाली सेना र अमेरिका सेनाबीच मुस्ताङको उच्च हिमाली क्षेत्रमा संयुक्त सैन्य अभ्यास संचालन भइरहेको छ । इन्डो–प्यासिफिक कमाण्ड अन्तर्गतका अमेरिकी सेना र नेपाली सेनाको महावीर गण (रेञ्जर)का सेनाले संयुक्त सैन्य अभ्यास जारी राखेका हुन् ।
संयुक्त सैन्य अभ्यासमा ७ अमेरिकीसहित ४८ जना सैनिकहरु सहभागी रहेको र अर्को साता सम्पन्न हुने सैन्य स्रोतले जनाएको छ ।
नेपालस्थित अमेरिकी दूतावासले यस्ता अभ्यासहरुले रक्षा सम्बन्धी सिप र ज्ञानको मात्र विकास नभइ नेपाल र अमेरिकी सेनाबीचको सैन्य–सम्बन्ध र मित्रतामा समेत नयाँ आयाम थप्ने विश्वास लिएको जनाएको छ ।
