काठमाडौँ । कोरोनाबाट भारतमा मुत्यु हुनेको संख्या पाँच लाख नाघेको छ ।
शनिबार भारतको केन्द्रीय स्वास्थ्य मन्त्रालयले सो कुराको जानकारी दिएको हो । मन्त्रालयका अनुसार भारतमा कोरोनाबाट मृत्यु हुनेको संख्या शनिबार पाँच लाख १ हजार ११४ जना पुगेको हो ।
मन्त्रालयले शनिबार त्यहाँ कोरोनाबाट १ हजार ५९ जनाको ज्यान गएको पनि बताएको छ । त्यहाँ केही हप्ता यता संक्रमणको संख्यामा कमी आए पनि मृत्यु भने घटेको छैन ।
शनिबार मात्र त्यो भन्दा अघिको २४ घन्टामा १ लाख २७ हजार जनामा कपरोनाको संक्रमण पाइएको पनि सो समाचरमा जनाइएको छ ।
त्यहाँका अधिकारीहरुले अहिलेसम्म भारतमा कोरोना बाट ४ करोड २० हजारभन्दा बढी मानिस संक्रमित भएका थिए ।
भारतमा पछिल्लो समयमा ओमिक्रोनको संक्रमण बढेको हो । तर यहाँ यसअघिको दोस्रो वेभमा डेल्टा भाइरसको संक्रमणका समयमा भन्दा बढी खतरनाक अवस्था भने रहेको छैन ।
