काठमाडौँ । मदन पुरस्कार विजेता साहित्यकार तथा समालोचक तारानाथ शर्माको निधन भएको छ । उनको मङ्गलबार बिहान ८ः३० बजे ८७ वर्षको उमेरमा आफ्नै निवास सरस्वती नगर चाहवेलमा निधन भएको हो ।
इलामको बरबोटेमा जन्मेका उनले सँस्कृत शिक्षाबाट पढ्न सुरु गरेका थिए । शर्माले २०१३ सालमा बनारसमा पढ्दै गर्दा बल्लभमणि दाहाल, बालकृष्ण पोखरेललगायतका साथीहरुसँग मिलेर ‘झर्रोवादी आर्दोलन सुरु गरेका थिए ।
विसं १९९१ मा इलामको बरबोटेमा जन्मिएका शर्मा विसं २०२६ सातमा मदन पुरस्कार विजेता भएका थिए । झर्रोवादी आन्दोलनका एक स्तम्भका रूपमा चर्चित उनका सम्पादन र मौलिक गरी करिब दुई सय कृति प्रकाशित छन् ।
