प्यूठान, फागुन २१ । प्यूठान नगरपालिका वडा नं २ का स्वर्गीय वडा अध्यक्ष खिम वहादुर विष्ट र स्वर्गीय वडा सदस्य दुर्ग वहादुर धामीको स्मृतिमा खुल्ला पुरुष भलिवल प्रतियोगिता सञ्चालन हुने भएको छ ।
प्यूठान नगरपालिका वडा नं २ को आयोजनामा यहि फागुन २८ गतेदेखि ३० गतेसम्म चितिखोला स्थित खेलमैदानमा उक्त प्रतियोगिता सञ्चालन हुने आयोजकले जनाएको छ ।
स्वास्थ्यको लागि खेलकुद राष्ट्रको लागि खेलकुद भन्ने मुल नाराका साथ उक्त प्रतियोगिताको आयोजना गरिएको प्यूठान नगरपालिका २ का वडा अध्यक्ष मुक्ति पोख्रेलले बताउनुभयो ।
प्रतियोगितामा प्रथम, द्वीतिय र तृतियलाई क्रमंश नगद ५० हजार, ३० हजार र २० हजारसहित प्रमाणपत्र प्रदान गरिने आयोजकले जनाएको छ ।
स्वर्गीय वडा अध्यक्ष र वडा सदस्यको सम्झना स्वरुप अघिल्लो वर्षदेखि उक्त प्रतियोगिता सञ्चालन गरिदै आएको छ । वडा अध्यक्ष खिम वहादुर विष्टको २०७५ मंसिर २१ गते र वडा सदस्य दुर्ग वहादुर धामीको २०७७ साउन १८ गते निधन भएको थियो ।
