काठमाडौँ, चैत्र २७ । एएफसी फुटसल एसियन कप छनोट अन्तर्गत नेपालले आज उज्बेकिस्तानको सामना गर्दैछ। आजको खेल नेपाली समयअनुसार मध्यान्ह पौने ११ बजे सुरु हुनेछ।

बुधवार कीर्गिस्तान आएर नेपाली टोलीले यसअघि यहाँका दुईवटा शीर्ष लिग खेल्ने क्लबसँग मैत्रीपूर्ण खेल समेत खेलेको थियो। पहिलो खेलमा डर्डोइ एफसी र दोस्रो खेलमा फरवाटर एफसीसँग खेलेको थियो। दुबै खेलमा जित निकाल्न असफल भए पनि पहिलो खेलको तुलनामा दोस्रो खेलमा धेरै सुधारिएको प्रदर्शन गरेको थियो।

नेपाली फुटसल टोलीका प्रशिक्षक बस्नेतले कम्तीमा एक खेलमा जितको लक्ष्य राखेको शनिबार प्रिम्याच कन्फ्रेन्समा बताएका थिए।