प्यूठान, चैत्र २७ । प्यूठानमा स्कुल वसको ठक्करबाट एक बालकको मृत्यु भएको छ ।
आइतवार लर्निङ्ग ह्यावन बोडिङ्ग स्कुल बसको ठक्करबाट प्यूठान नगरपालिका ४ का बिकास कार्कीको डेढ बर्षिय बालक युनिक कार्कीको मृत्यु भएको जिल्ला प्रहरी कार्यालय प्यूठानले जनाएको छ ।
प्यूठान नगरपालिका ७ मा सन्चालित लर्निङ्ग ह्यावन बोडिङ्ग स्कुल पुण्यखोलाको रा १ प ८८१ नम्बरको बसले आइतबार बेलुका करिब ५ बजेको समयमा ठक्कर दिएको थियो ।
ठक्कर पछि बालकको उपचार गर्न प्यूठान अस्पताल लगेको र अस्पतालले मृत घोषणा गरेको बताइएको छ ।
प्यूठान नगरपालिका ४ कार्किडाँडा तर्फ जाने नयाँ बाटोमा उक्त स्कुलको बसले युनिक कार्कीलाई ठक्कर दिएको थियो । बसका चालक प्रहरी नियन्त्रणमा लिईएको प्रहरीले जनाएको छ ।
