काठमाडौँ, चैत्र ३० ।अघिल्लो साता घरेलु मैदानमा मलेसिया र पपुवा न्यू गिनीसँगको त्रिकोणात्मक टी२० आई सिरिज विजेता खेलाडीलाई नगदसहित सम्मानित गरिने भएको छ।
बुधबार बसेको मन्त्रिपरिषदको बैठकले नेपाली राष्ट्रिय टिमका खेलाडीलाई जनही २ लाख रुपौयाँले पुरस्कृत गर्ने निर्णय गरेको हो। युवा तथा खेलकुद मन्त्रालयको प्रस्तावमा मन्त्रिपरिषद्को बैठकले विजेता खेलाडी तथा प्रशिक्षकहरुलाई पुरस्कृत गर्ने निर्णय गरेको हो।
निर्णय अनुसार १६ खेलाडीले २र२ लाख नगद पुरस्कार पाउनेछन्। यस्तै, मुख्य प्रशिक्षक पुबुदु दासानायकेले नगद १ लाख ५० हजार तथा अन्य अफिसियलले जनही १ लाख रुपैयाँ प्राप्त गर्ने छन्। नेपालले फाइनलमा पपुवा न्यूगिनीलाई ५० रनले हराउँदै उपाधि जितेको थियो।
