काठमाडौँ, वैशाख १७ । नेपाल क्रिकेट संघ (क्यान) ले नेपाली राष्ट्रिय महिला क्रिकेट टोलीकी कप्तान रुविना क्षेत्री बेलबासे र उपकप्तान सीता रानामगरलाई बिदाई गरेको छ ।
युएईमा हुने फेयर ब्रेक इन्भिटेसनल टि-२० क्रिकेट प्रतियोगिता खेल्न जान लागेका उनीहरूलाई आज कीर्तिपुरस्थित त्रिवि क्रिकेट मैदानमा एक कार्यक्रमकाबीच बिदाई गरिएको हो । रुविना र सीता आज दिउँसो पौने चार बजेको फ्लाइटमार्फत युएई प्रस्थान गर्नेछन् ।
रुविनाले द बर्मी आर्मी र सीताले द टोर्नडोसबाट खेल्नेछन् । प्रतियोगितामा ६ टोलीको सहभागीता रहनेछ । रुविनाले इंग्ल्यान्डकी हेदर नाइट र सीताले वेस्ट इण्डिजकी जस्टेफनी टेलरको कप्तानीमा खेल्नेछन् । मे ४ देखि १५ सम्म दुबई इन्टरनेशल क्रिकेट स्टेडियममा प्रतियोगितामा कुल १९ खेल हुनेछन् ।
