प्यूठान, जेठ १ । नौबहीनी गाउँपालिकाको वडा नं. ८ र गौमुखी गाउँपालिका वडा नं १ मा गठबन्धन विजयी भएको छ । नौबहीनी गाउँपालिकाको वडा नं. ८ मा गठबन्धन तर्फका नेपाली कांग्रेसका उम्मेद्वार मान बहादुर केसी १११३ मत प्राप्त गरि विजयी भए ।
नेकपा एमालेका उम्मेद्वार जेवी जिसीले ५५३ मत प्राप्त गरे । महिला सदस्य कमला भण्डारी, दलित महिला सदस्य तारा विक, खुल्ला सदस्य हुमलाल भण्डारी र भविराम पुन विजयी भए ।
गौमुखी गाउँपालिका वडा नं. १ मा गठबन्धनबाट नेपाली कांग्रेसका दिल बहादु थापा ५२६ मत ल्याएर विजयी भएका छन्। उनका प्रतिस्पर्धी एमालेका फन बहादुर थापाले ४९४ मत प्राप्त गरे ।
महिला सदस्यमा नेकपा एमालेका मसिना केसी, दलित महिला सदस्यमा गठबन्धनका तनसरी सुनार, खुल्ला सदस्यमा गठबन्धनका तेजु गिरी र एमालेका जगे सुनार विजयी भए ।
