काठमाडौँ, जेठ ९ । भरतपुर महानगरपालिकामा गणना भएको मत १ लाख ६ हजार ८७९ पुगेको छ। हालसम्म भएको मतगणना अनुसार सत्ता गठबन्धनबाट नेकपा माओवादी केन्द्रकी उम्मेदवार रेणु दाहालले ४३ हजार ६१ मत प्राप्त गरेर शीर्ष स्थानमा छिन्।
निकटतम प्रतिस्पर्धी नेकपा एमालेका उम्मेदवार विजय सुवेदीले ३३ हजार २३९ मत प्राप्त गरेका छन्। मेयरमा स्वतन्त्र उम्मेदवार जगन्नाथ पौडेलले १३ हजार २६६ मत प्राप्त गरेका छन्। शीर्ष स्थानका दुई मेयर उम्मेदवारबीचको मतान्तर ९ हजार ८२२ पुगेको छ।
उपमेयरमा नेपाली कांग्रेसमा चित्रसेन अधिकारीले ४४ हजार ५९१ मतका साथ अग्रस्थानमा छन्। उपमेयरमा राप्रपाकी हिमला गुरुङले २६ हजार ३२२ मत प्राप्त गरेकी छन्।
