काठमाडौँ, जेठ ३० । सर्वोच्च अदालतले प्रहरी महानिरीक्षक ९आईजीपी० बढुवासम्बन्धी मुद्दा हेर्दाहेर्दैमा राखेको छ। आज सर्वोच्च अदालतका कायममुकायम प्रधानन्यायाधीश दीपककुमार कार्की र कुमार चूडालको इजलासले आईजीपी बढुवासम्बन्धी मुद्दा हेर्दाहेर्दैमा राखेको हो ।
धीरजप्रताप सिंहलाई महानिरीक्षक बनाउने सरकारको निर्णयविरुद्ध प्रहरी अतिरिक्त महानिरीक्षक विश्वराज पोखरेलले दायर गरेको मुद्दाको अर्को पेशी असार ५ गते आइतबारका लागि तोकिएको छ ।
यस रिटमा जेठ १७ गतेदेखि अन्तिम सुनुवाइ शुरु भएको हो । आफू पहिलो वरीयता क्रममा रहेपनि सरकारले तेस्रो वरीयता क्रममा रहेका सिंहलाई आईजीपी बनाएको भन्दै पोखरेलले रिट दायर गरेका थिए ।
