बुटवल, जेठ ३० । शहिद द्वोय गणेश ढकाल र टिकाराम गौतमको स्मृतिमा रुपन्देहीमा दिप प्रज्वलन तथा सम्मान कार्यक्रम गरिएको छ ।
अखिल (क्रान्तिकारी) रुपन्देही र नेकपा माओवादी केन्द्र बुटवल उपमहानगरपालिका १४ वडा कमिटिको आयोजनामा बुटवल उपमहानगरपालिका १४ मा आज उक्त कार्यक्रम गरिएको हो ।
वडा कमिटि अध्यक्ष नारायण प्रसाद खनालको अध्यक्षतामा भएको कार्यक्रमको प्रमुख अतिथि माओवादी केन्द्र लुम्विनी प्रदेश सदस्य तथा मुख्यमन्त्रीका स्वकीय सचिव सुजित वि.कको रहेको थियो ।
कार्यक्रममा माओवादी केन्द्र लुम्विनी प्रदेश सदस्य तथा सांसद दिपा विक, लुम्विनी प्रदेश सदस्य पुष्पराज ढकाल, नगरअध्यक्ष महेन्द्र भुषाल, अखिल (क्रान्तिकारी) केन्द्रिय सदस्य रुपेश पौडेल, रुपन्देही जिल्ला अध्यक्ष कपिल चापागाई, प्रदेश सचिव सागर पन्त,रामचन्द्र पन्थी, वडा १४ का सचिव तथा अखिल(क्रान्तिकारी) सिद्दार्थ गौतम बुद्ध क्याम्पस अध्यक्ष हिमाल खनाल, अखिल (क्रान्तिकारी) लुम्बिनी वाणिज्य क्याम्पस अध्यक्ष विराज चालिसे लगायत विभिन्न कलेजका पदाधिकारी, सहिद द्वोय गणेश ढकाल र टिकाराम गौतमका आफन्तहरुको सहभागिता रहेको थियो ।
सहिद द्वोय ढकाल र गौतमको निधन २०५८ जेठ ३० मा भएको थियो ।
