बुटवल। सिद्धार्थ गौतम बुद्ध क्याम्पस प्रशासन समक्ष विद्यार्थी संगठनले संयुक्त विज्ञप्ती प्रेश गरेका छन।
विज्ञप्तीमा क्याम्पसले विद्यार्थी संगठनलाई क्याम्पसमा हुने कार्यक्रमको बारे जानकारी नगराएको, विगतमा भएका सम्झौता कुल्चिएको प्रती विद्यार्थी संगठनले गम्भीर ध्यानाकर्षण गरेको छ।
साथै क्याम्पसले विगत पाँच वर्षमा क्याम्पसको वाषिर्क उत्सव तथा अभिभावक भेला नगरेको, छात्रवृत्ति पनि लामो समयदेखी वितरण नगरेको जस्ता माग उल्लेखित विज्ञप्ती बुझाउदै क्याम्पसलाई २४ घण्टा भित्र आफ्ना मागहरुको सम्बोधन गर्न भन्दै अल्टिमेटम दिएका छन् ।
सिद्धार्थ गौतम बुद्ध क्याम्पस , बुटवलमा विगतदेखि विद्यार्थी हक , हितको पक्षमा संयुक्त रुपमा अगाडि बढेको र अहिले पनि विद्यार्थी केन्द्रित मुद्धामा संयुक्त रुपमा अगाडि बढेको अनेरास्ववियू (क्रान्तिकारी) इकाई अध्यक्ष हिमाल खनालले जानकारी गराए ।
विज्ञप्तीमा अनेरास्ववियू (क्रान्तिकारी) का इकाई अध्यक्ष हिमाल खनाल , ने बि संघ इकाई सभापति महेस शर्मा र अनेरास्ववियु इकाई सह संयोजक सुरज खनालले हस्ताक्षर गरेका थिए ।
