बुटवल। पुष्पाञ्जली आमा समुहले नेपाल अभिनाश अनाथ आश्रममा खाधन्न तथा लत्ताकपडा वितरण गरेको छ ।
समुहले आइतबार तिलोत्तमा नगरपालिका- १५ कोटिहवामा रहेको आश्रमलाई प्रमुख अतिथी, आमा समुह अध्यक्षले , आश्रम संचालकलाई वितरण गरेका हुन् ।
कार्यक्रममा प्रमुख अतिथि रहनुभएका बुटवल उपमहानगरपालिका ११ जनप्रतिनिधि हिमा थामीले पुन्य कार्यको लागि आश्रम परिवारलाई आभार, बालबालिकाको व्यक्तित्वको विकासको लागि आश्रमले खेलेको भुमिकाको प्रशंसा गरेकी थिइन् । साथै आमा समुहले आगामी दिनमा अझ राम्रो कामको लागि शुभकामना दिएकी थिइन् ।
विशिष्ट अतिथि रहेका आश्रम संचालक कृष्ण ज्ञवालीले जाडो समयमा पुन्य कार्य गरेकोमा आमा समूहलाई धन्यवाद व्यक्त गरेका थिए ।
समुह उपाध्यक्ष राधा पाण्डेको स्वागत मन्तव्यबाट सुरु भएको, कार्यक्रमको संचालन सचिव सुमित्रा आचार्य तथा कार्यक्रम समापन आमा समुह अध्यक्ष लक्ष्मी कडेलले गरेकी थिइन् ।
समापन गर्दै कडेलले यस कार्यक्रमको लागि सहयोग गर्ने सम्पूर्ण आमा समुह परिवारलाई विशेष धन्यवाद दिएकी थिइन् ।
