चितवन। चितवनमा फागुन ११ गतेबाट सुरु हुने इष्टर्न क्रिकेट एकेडेमी (इसीए) लिग टी–२० क्रिकेट प्रतियोगितामा क्यानाडाको नेपलिज क्यानडियन क्रिकेट क्लब(एनसीसी)फ्राइनचाइज टिममार्फत सहभागिता जनाउने भएको छ।
नेपलिज क्यानडियन क्रिकेट क्लबले क्यानाडामामात्र नभएर अब नेपाली मातृभूमिमा पनि क्रिकेटको माध्यमबाट जोडिन र योगदान गर्न यस प्रतियोगितामा जोडिएको र जोडिन पाउदा हर्षित रहेको क्लबले जनाएको छ।
प्रतियोगितामा एनसीसीका लागि नेपालका राष्ट्रिय खेलाडी गौतम केसीले गर्नेछन भने टीममा बिज्ञान पाण्डे ,रबिन्द्र तिमिलसिना,नबीन यादव ,लव्कि सापकोटा,सिरिश राखल,पारस घिमिरे ,कृष्ण श्रेष्ठ ,दीपेश कुमार छेत्रि ,प्रशन्न बर्तौला,बिदुर पौडेल,सनस्कार देवकोटा रहेका छन्।
इष्टर्न क्रिकेट एकेडेमी (इसीए) ले फागनु ११ गतेदेखि २२ गतेसम्म खैरहनी नगरपालिका ५ को गौचरन मैदानमा आयोजना गर्न लागेको हो।
प्रतियोगितामा बिएम ब्लास्टर, टाँडी टाइटन्स, सौराहा स्याण्डर, नेप्लीज क्यानेडियन क्रिकेट क्लब, हानामी वारियर्स र भरतपुर इलेभेन गरी कुल ६ टोलीको सहभागीता रहेन आयोजकले जनाएको छ ।
प्रत्येक टोलीले २ जनासम्म राष्ट्रिय खेलाडी वा जिल्ला बाहिरका खेलाडीहरु आफ्नो टिममा समावेश गर्न सक्नेछन् ।
सिंगल राउण्ड रोबिन लिगका आधारमा खेलाइने प्रतियोगिताको विजेतालाई नगद ५० हजार रुपैयाँ, मेडल, ट्रफी र प्रमाणपत्र प्रदान गरिने छ ।
प्लेयर अफ द सिरिजलाई नगद १० हजार, वेष्ट बलर र वेष्ट ब्याट्सम्यानलाई जनही ५/५ हजार र इमर्जिङ प्लेयरलाई नगद ३ हजार रुपैयाँ प्रदान गरिने छ ।
