बुटवल। अनेरास्ववियु(क्रान्तिकारी)द्वारा बुटवल बहुमुखी क्याम्पसमा विद्यार्थी सम्पर्क समिति आज एक कार्यक्रमका बिच गठन गरेको छ।
बुटवल बहुमुखी क्याम्पसमा अर्घाखाँची , गुल्मी , पाल्पा , रुपन्देही ,कपिलवस्तु ,प्युठान ,रोल्पा र बाग्लुङबाट बुटवल बहुमुखी क्याम्पस अध्ययन गर्न आएका विद्यार्थीहरुको भेला सम्पन्न भएको छ ।
क्याम्पस समिति उपाध्यक्ष खिम गिरिको अध्यक्षता र अनेरास्ववियू ( क्रान्तिकारी) रुपन्देही जिल्ला उपाध्यक्ष टिकाराम आचार्यको प्रमुख आतिथ्यता रहेको भेलाबाट सम्बन्धित जिल्ला समन्वय समितिको तदर्थ समिति गठन भएको हो ।
कार्यक्रममा बोल्दै अनेरास्ववियू (क्रान्तिकारी) जिल्ला उपाध्यक्ष टिकाराम आचार्यले बाहिरी जिल्लाबाट बुटवल बहुमुखी क्याम्पस गेट भित्र छिर्दा र भाडामा बस्दा बाटै विभिन्न खालका समस्याहरु हुने र त्यस्ता समस्या समाधान गर्नको निम्ति जिल्ला बासी एक भएर आत्मियता बढाउदै अगाडि बढन सल्लाह दिएका छन ।
आचार्यले बोल्ने क्रममा विद्यार्थीहरुको अबिभाबक अनेरास्ववियू क्रान्तिकारी )रहेको र सबै विद्यार्थी संगठित हुदै जोडिन आग्रह समेत गरे ।
कार्यक्रममा बुटवल बहुमुखी क्याम्पसका स्व.वि.यु उमेदवार रहेका शिव बहादुर खवासले क्याम्पसमा आफू स्व.वि.यु निर्वाचन हुदा वा नहुदा पनि निरन्तर रुपमा विद्यार्थीको समस्या समाधान गर्न लागेकोले आफुलाई मत दिन र स्व.वि.यु अध्यक्षमा विद्यार्थीहरुले आफुलाई जिताउने बताएका छन ।
भेलाबाट चुनिएका सबै जिल्ला समन्वयका तदर्थ समितिका संयोजक , सह-संयोजकलाई बधाई तथा शुभकामना व्यक्त गरेका थिए ।
कार्यक्रम संचालन मुल इकाई सह सचिव दिपक खत्रीले गरेका थिए।
