प्युठान । जाल्पा सामुदायिक लघुबित्त बित्तीय संस्था लिमिटेड सरुमारानी- ४ वड्डाडाका शाखाका प्रमुख प्रदिप भण्डारीले आफ्नो जन्मदिनको अवसर पारेर विद्यार्थीलाई शैक्षिक सामाग्री सहयोग गरेका छन् ।
आज आफ्नो जन्मदिनको अवसरमा भण्डारीले जनता माध्यमिक विद्यालय बड्डाडामा अध्ययनरत जेहेन्दार ७ जना बालबालिकालाई कपी र कलम सहयोग गरेका हुन् ।
जन्मदिनको अवसरमा बालबालिकालाई सहयोग गर्न पाउँदा उनले खुसी ब्यक्त गरेका छन् । साथै, उनले जन्मदिनको नाममा हुने फजुल खर्चलाई हटाएर सामाजिक कार्यमा लाग्नुपर्नेसमेत बताएका छन् ।
शाखा प्रमुख भण्डारी प्युठानको नौबहिनी गाउँपालिका- ८ लुप्लुङ निवासी हुन्।
