दाङ । नेपाली कांग्रेस लुम्बिनी प्रदेशको संसदीय दलको सचेतकमा निमा गिरी नियुक्त भएकी छन् ।
कांग्रेसको तर्फबाट समानुपातिक सांसद् बनेकी प्युठानको झिमरुक गाउँपालिका- ७ तुसाराकी गिरीलाई कांग्रेस लुम्बिनी प्रदेशका संसदीय दलका नेता डिल्लिबहादुर चौधरीले सचेतकमा नियुक्ती दिएका हुन् ।
गिरी यसअघि संस्थापनइतर पक्षबाट लुम्बिनी प्रदेश कांग्रेस संसदीय दलको नेतामा आकांक्षी थिइन् । पछि सर्वसमतिमै डिल्लि चौधरी नियुक्त भएका थिए ।
विद्यार्थी कालदेखिनै राजनीतिमा सक्रीय भूमिका निर्वाह गर्दै आएकी गिरी पेशाले कानुन व्यावसायी हुन्। उनले कानुनसँगै फाइन्यान्स र राजनीतिशास्त्रमा स्नातकोत्तरसम्मको अध्ययन गरेकी छन्।
