काठमाडौं। अष्ट्रेलियाको क्यानवेरामा शुरु भएको पाचौ ओशियाना नेपाली खेलकुद मिटको कृकेट विधाको फाइनलमा एडिलेड नेप्लिज क्रिकेट एशोशियसन(एन्का) ले न्यू साउथ वेल्सलाइ ६ विकेटले पराजित गरेको छ।
न्यू साउथ वेलसले दिएको १ सय ११ रनको लक्ष्य पछ्याएको एन्काले १७ ओभर ३ बलमा ४विकेट गुमाएर १ सय ११ रनको लक्ष्य पूरा गर्न सफल भयो ।
एन्काका लागि ओपनर मनीष खकुरेलले ३८ बलमा २ चौका र
१ छक्काको साथ ३३ रनको ईनिङ खेले ।
कप्तान सुनम गौतमले ३६ बलमा २ चौका र ३ छक्काको सहयोगमा ४७ रन बनाउँदा आशीष पोख्रेलले १४ बलमा अविजित १७ रन बनाए ।
वलेशका लागी बिबेक ,हेमन्त ,नितेश ,साहीलले समान १/१ विकेट लिए।
त्यसअघि पहिले ब्याटिङ वेलसले २० ओभरमा १० विकेट गुमाएर १ सय ११० रन बनाएको थियो ।
वलेसका लागि राजू न्यौपानेले २९ बलमा २ चौका र ३ छक्काको सहयोगमा ४० रनको ईनिङ खेलेका थिए । नितेश थापाले १८ बलमा १६ रन बनाएका थिए ।
एन्काकालागी उमेशले ४,बिज्ञान र दीपकले २/२ ,सुनमले १ विकेट लिएका थिए । खेलको म्यान अफ द म्याच सुनम गौतम घोषित भएका थिए।
एन्का अध्यक्ष बिजय जोशीले यस एतिहासिक् जीत दिलाउन सफल सम्पूर्ण खिलाड़ी साथसाथै व्यवस्थापक र सम्पूर्ण एन्का परिवारलाइ हार्दिक धन्यवाद व्यक्त गरेका छन् ।
