बुटवल । बुटवलको गोलपार्क क्रिकेट क्लबद्वारा गत जेष्ठ २३ गतेदेखि जारी अन्तर कलेज क्रिकेट प्रतियोगिताको उपाधी बिएमसी राइजिङ्गले हातपार्न सफल भएको छ ।
उक्त प्रतियोगितामा बिएमसी राइजिङ्गको नामबाट सहभागी अनेरास्ववियू(क्रान्तिकारी) बुटवल बहुमुखी क्याम्पसको समूह विजेता बनेको भने उप विजेता तिलोत्तमा क्याम्पस बनेको छ।
फाइनल खेलमा बिएमसी राइजिङ्ग समुहले दिएको १२८ रनको टार्गेट पछ्याउँदै तिलोत्तमा क्याम्पस ९४ रनमै अल आउट भयो ।
बुटवल उपमहानगरपालिका- ३ का अध्यक्ष विष्णु ढकालको प्रमुख आतिथ्यतामा बिहिवार सम्पन्न उक्त क्रिकेट प्रतियोगितामा २५ समूह प्रतिस्पर्धामा उत्रिएका थिए ।
बिएमसी राइजिङ्गको टिमको म्यानेजरको रूपमा शिवबहादुर खवास र टिम क्याप्टेन विक्रम गौतम, टिम कोच रविन सुवेदी र खेलकुद संयोजक युवराज सुवेदी रहेका थिए।
