बुटवल,असार २३ । लियो क्लब अफ बुटवल सेन्ट्रलको अध्यक्षमा विकास टण्डन निर्वाचित भएका छन् ।
क्लबले शुक्रबार बुटवलमा पदस्थापना कार्यक्रम गरेको थियो। सो कार्यक्रमबाट क्लबका प्रथम उपाध्यक्ष रहेका विकास टण्डनलाई वर्ष २०२३/२४ को लागि सर्वसम्वत निर्वाचित गरेको क्लबका सचिव युवराज बन्जाडेले जानकारी गराए ।
क्लबले आयोजना गरेको पदस्थापना कार्यक्रमबाट २०२३/२४ का लागि अध्यक्षमा विकास टण्डन, प्रथम उपाध्यक्षमा विशाल पान्डे, सचिवमा युबराज बन्जाडे र कोषाध्यक्षमा हरि घिमिरे र्निविरोध निर्वाचित गरेको क्लबका अध्यक्ष माधव अर्यालले जानकारी दिए ।
क्लवका संस्थापक अध्यक्ष लक्ष्मण पन्थी को प्रमुख आथित्यतामा भएको कार्यक्रम केसब पौडेल र युबराज बन्जाडेले संचलान गरेका थिए ।
प्रमुख अतिथि रहेका पन्थीले कार्यक्रममा बोल्दै समाज सेवासंगै संस्थालाई थप प्रगति गर्नेको निमित्त सबैलाइ आह्वान गरे।
क्लबका पुर्व अध्यक्ष विजय आचार्य , सौरभ भुसाल , बुद्धि कुवर, हिमाल खनाल लगायतले शुभकामना मन्तव्य राखेका थिए ।
अध्यक्षमा निर्वाचित टण्डनले पहिलो बैठकबाट वर्षभरीका कार्ययोजना प्रस्तुत गरी सोहि बमोजिम कार्यक्रमहरु गरीने र क्लबले गरी आएका कार्यक्रमहरुलाई समेत निरन्तरता दिने बताए।
