बुटवल, असार २६ । अखिल (क्रान्तिकारी) बुटवल उप-महानगर समितिद्वारा रक्तदान कार्यक्रम सम्पन्न भएको छ ।
बुटवलमा रगतको अभाव भए सङ्गै ‘रक्तदान जिवनदान’ भन्ने मुल नाराका साथ अखिल (क्रान्तिकारी) बुटवल उप महानगर समितिले ब्लड बैंकमा कार्यक्रम आयोजना गरेको संगठनका अध्यक्ष माधव अर्यालले जानकारी दिए ।
माधव अर्यालको अध्यक्षता र नेकपा माओबादी केन्द्रका रुपन्देही संयोजक निर्मल जि .सीको प्रमुख आतिथ्यमा कार्यक्रम संचालन भएको थियो ।
अतिथिहरुमा नेकपा माओवादी केन्द्रका बुटवल नगर ईन्चार्ज पुस्पराज ढकाल (क्षितिज ) ,नेकपा माओवादी केन्द्रका बुटवल नगर अध्यक्ष महेन्द्र भुषाल , अखिल क्रान्तिकारी केन्द्रीय निर्वाचन आयोग प्रमुख अनुप पोखरेल ,केन्द्रिय सदस्य माधव पाण्डे, अखिल क्रान्तिकारी रुपन्देहि ईन्चार्ज शौरभ भुषाल ,अखिल क्रान्तिकारी रुपन्देही जिल्ला अध्यक्ष कपिल चापागाई गरि जिल्ला तथा क्याम्पस इकाईको उपस्थितिमा कार्यक्रम संचालन भएको थियो ।
कार्यक्रममा बोल्दै प्रमुख अतिथी निमर्ल जि.सी.ले विद्यार्थीहरु सदैव समाज र देश रुपान्तरणमा राजनैतिक तथा समाज सेवामा यसरी नै अझ सशक्त ढङ्गले लागेमा आम जनतामाझ झन एउटा राम्रो सम्बन्ध निर्माण हुने बताए।
कार्यक्रमको अध्यक्षता गरेका अर्यालले रक्तदान कार्यक्रम सफल बनाउन सहयोग गर्ने सम्पूर्ण पदाधिकारीलाई विशेष आभार व्यक्त गर्दै, आफ्नो शुभजन्मोउत्सवमा रक्तदान स्थानमै मनाई निरन्तर समाजिक कार्यमा लाग्ने बताए ।
कार्यक्रम संयोजन नगर उपाध्यक्ष गगन रेश्मीले गरेका थिए ।
