प्यूठान, चैत १४ । स्वर्गद्वारी एकेडेमीका शिवानन्द पौडेल कक्षा ८ को वार्षिक परीक्षामा ३.८६ जीपीए हासिल गर्दै स्वर्गद्वारी नगरस्तरीय परीक्षामा प्रथम स्थान हासिल गर्न सफल भएका छन्।
विद्यालयका प्रधानाध्यापक जनक रिजालका अनुसार शिवानन्दको मेहनत, अनुशासन र निरन्तर अभ्यासकै कारण यो उत्कृष्ट उपलब्धि सम्भव भएको हो। उनले भने, “शिवानन्दको सफलता विद्यालय मात्र होइन, सम्पूर्ण नगरकै गौरवको विषय हो।”
नगरस्तरीय परीक्षामा शीर्ष स्थान हासिल गरेका शिवानन्दले आफ्नो उपलब्धिको श्रेय शिक्षक, अभिभावक र निरन्तर अध्ययन गर्ने बानीलाई दिएका छन्। उनले भने, “सफलताको मूलमन्त्र भनेकै निरन्तर अभ्यास, राम्रो मार्गदर्शन र आत्मविश्वास हो।”
