धीरज कोरी कपिलवस्तु । २९ माघ कपिलवस्तु नगरपालिकाको प्रमुख प्रशासकीय अधिकृत विमलराज आचार्यको २ बर्षे कार्यकालको आज एक कार्यक्रमका बिचमा विदाई गरिएको छ । कपिलवस्तु नगरपालिका विगतको २ वर्षमा कार्यलय संचालनमा उतकृष्ट कार्य गरेको भन्दै नगर प्रमुख किरण सिंहले दोसल्ला ओढई मायाको चिनो तथा कदरपत्र प्रदान गरेका थिए । त्यस्तै नगरपालिकामा कार्यरत स्वास्थ्य शाखा प्रमुख मधुकर श्रेष्ठको आनिर्वय अवकाश भएको छ । अनिवार्य अवकाश पाएका श्रेष्ठको अगामी दिनको सफलताको कामना गर्दै नगर प्रमुख सिंहले दोसल्ला ओढई मायाको चिनो तथा कदरपत्र प्रदान गरेका थिए ।
कार्यक्रममा वडा नं. ३ का वडा अध्यक्ष रुद्र बहादुर गैरेले आचार्य तथा श्रेष्ठले नगरपालिकामा राम्रो कार्यको प्रशंस गर्दै अगामी दिनको लागि शुभकामना समेत व्यक्त गरेका छन । कार्यक्रममा बोल्दै वडा नं. १ का अध्यक्ष सुदिप पौडेलले विदाई आफैमा एक दुखको क्षण भएकोले नगरपालिकाको समग्र विकासमा उहाँहरुले महात्वपुर्ण कार्य गरेको बताएका थिए । आचार्य बन विभागमा सरुवा हुनु भएको छ । भने श्रेष्ठ अनिवार्य अवकाश पाएका छन ।
