फागुन ११ नायक पल शाहले शनिबार आफ्नो जन्मदिन मनाए । जन्मदिनको दिनमा उनलाई भ्याइनभ्याई नै थियो । घरपरिवारदेखि चलचित्र ‘म यस्तो गीत गाउँछु २’को टिमसँग जन्मदिन मनाउँदै गर्दा पल निकै खुशी देखिए ।नायक पल शाहले विशेषगरि, आफूले सबैको अनुहारमा खुशी देख्न चाहेको बताउँदै कसैलाई पनि दुःखी देख्न नचाहने बताए ।‘म यस्तो गीत गाउँछु २’की नायिका पूजा शर्माको प्रशंसा गर्दै पलले भने–‘मलाई पूजाले हरेक पाइलामा साथ दिएकी छिन् ।

कहिलेकाही कमजोरी हुँदा पनि मलाई सिकाएकी छिन् । एउटा बेष्ट फ्रेन्ड र सहकर्मी कलाकारमा हुनुपर्ने गुण यही नै हो । पूजाले मलाई उनकै घरको संझिन्छिन् होला ।’नायिका पूजा शर्माले पनि पलको कामप्रतिको लगावको प्रशंसा गरिन् । उनले पलका लागि चलचित्र ‘म यस्तो गीत गाउँछु २’मा समावेश ‘दुःखको काँडा’ बोलको गीत गाएर सुनाइन् । चलचित्र ‘म यस्तो गीत गाउँछु २’ फागुणको ३० गतेबाट रिलिज हुँदैछ ।  अनलाइन खबरबाट