काठमाडाैं फागुन ११, २०७६ एजेन्सीअस्ट्रेलियाको एक विद्यालयमा जिस्क्याइएर (बुलिइङ) समस्यामा परिरहेका नौ वर्षीय एक बालको भावुक भिडियो उसकी आमाले शेयर गरेकी छन् । विद्यालयमा छोरो लिन पुगेकी आमालाई देखेर छोरो रुन थाल्यो अनि मर्न चाहन्छु भन्यो ।बालकमा होचोपना (ड्वार्फिजम) छ । आमाले बुलिइङको असर पीडितमा कसरी पर्छ भन्ने देखाउनका लागि भिडियो बनाएकी हुन् ।क्वादेन नामक यी बालकको हाइट कम छ । त्यसैले उसलाई विद्यालय क्रूर तरिकाले जिस्क्याउने गरिन्छ । सचेतना फैलाउन क्वादेनकी आमा याराकाले भिडियो सामाजिक सञ्जालमा शेयर गरिन् ।
भिडियो भाइरल भएपछि क्वादेनको समर्थनमा प्रख्यात कलाकार ह्यु ज्याकसन लगायतका मानिसले सन्देश प्रवाह गरे । अनि होचोपना भएका कमेडियन ब्राड विलियम्सले क्वादेनलाई अमेरिका बोलाएर डिज्नील्यान्ड घुमाउनका लागि गोफन्डमी नामक अभियान समेत शुरू गरे । कुनै पनि बालकले यस्तो समस्याको सामना गर्न नहुने ब्राडले बताए ।
