१३ फाल्गुन हामीले हवाइजहाजमा जन्मेको बच्चालाई जीवनकालभर निःशुल्क यात्राको व्यवस्था भएको पहिले पनि सुनेका छौं । तर बुक गरेकै सिट नपाएकोमा ठूलै क्षतिपूर्ति दिइएको समाचार पनि बाहिरिएको छ ।अमेरिकाको युनाइटेड एयरलायन्सले बुक गरेकै सिट नपाएका यात्रुलाई ९० हजार डलर बराबरको क्षतिपूर्ति दिएको छ ।
शनिबार नेवार्कबाट हवाई जाने ९ जना यात्रुलाई उनीहरुले बुक गरेको बिजनेश क्लासको सिट दिन नसकेपछि १० हजार डलरका दरले ९० हजार डलर बराबरको क्षतिपूर्ति दिइएको हो ।११ घण्टा लामो उडानमा युनाइटेड एयरलाइन्सले जहाज परिवर्तन गर्नुपरेपछि बुक गरेकै सिटहरु दिन नसकेको हो । त्यसको सट्टा माइलका रुपमा ९० हजार डलरको भौचर दिइएको हो । एजेन्सी
